«ҚазМедТех» АҚ 2025 жылғы қызметінің қорытындылары 

2025 жылдың қорытындысы бойынша «ҚазМедТех» АҚ даму көрсеткіштерінің негізгі нысаналы индикаторларына қол жеткізіп, іске асырылып жатқан жобалардың тиімділігін, корпоративтік саясаттың тұрақтылығын және цифрлық сервистерді жүйелі түрде дамытуды растады.

Есепті кезеңде Қоғам жоспарланған 12 шарттың орнына 15 қаржы лизингі шартын жасасып, нысаналы көрсеткіштің орындалуын 125% қамтамасыз етті.

Қаржы лизингі шарттарында сатып алынған медициналық техниканы пайдалана отырып көрсетілген медициналық қызметтердің жоспарлы көлемі толық көлемде орындалды. Аталған көрсеткіш бойынша орындалу деңгейі 100% құрады.

«ҚазМедТех» АҚ корпоративтік басқару мәселелеріне және тең мүмкіндіктерді қамтамасыз етуге ерекше назар аударады. Жыл қорытындысы бойынша Қоғамның атқарушы органдарындағы әйелдердің үлесі 52,77% құрап, белгіленген нысаналы көрсеткіштің 175,9% жетті.

Құрылымдық бөлімшелер басшылары арасындағы әйелдердің үлесі жоспарланған 30% көрсеткішке қарсы 50% құрап, көрсеткіштің орындалуы 166,6% қамтамасыз етті.

Цифрлық инфрақұрылымды дамыту және ақпараттық ашықтықты арттыру бағытындағы жұмыс жалғастырылуда,
Интернет-ресурстарды дамыту көрсеткіші 128% орындалды: жыл ішінде жоспарланған 25 материалдың орнына 32 материал жарияланды.
Қызметтің ашықтығын қамтамасыз ету мақсатында «ҚазМедТех» АҚ «Ашық деректер» порталын толықтыру жұмысын да жалғастырды. Жыл қорытындысы бойынша порталға жоспарланған 20 жарияланымның орнына 21 жарияланым орналастырылып, көрсеткіштің орындалуы 105% құрады.

Қол жеткізілген нәтижелер «ҚазМедТех» АҚ-ның медициналық ұйымдарды заманауи технологиялармен қамтамасыз ету, цифрлық сервистерді дамыту, ашықтық қағидаттарын нығайту және корпоративтік басқару жүйесін жетілдіру бағытындағы жүйелі жұмысының нәтижесін көрсетеді.