«ҚазМедТех» АҚ өңірлердегі кардиологиялық көмекті дамытуға қосқан үлесі

Медициналық ұйымдарды заманауи жабдықтармен қамтамасыз ету – сапалы әрі қолжетімді медициналық көмек берудің маңызды бөлігі. Кардиологиялық қызметте уақтылы диагностика ерекше маңызға ие, бұл ретте жабдықтарды жаңарту пациенттердің денсаулығын сақтауға қосылған зор үлес болып табылады.
Қоғам «Қамқорлық» лизингтік бағдарламасы аясында Павлодар облыстық кардиологиялық орталығына жиынтықтарымен бірге EPIQ диагностикалық ультрадыбыстық жүйесін орнатты. Жабдықты орнату 2026 жылғы 9 қазанда рәсімделді.
Жаңа жабдық орталықтың диагностикалық әлеуетін нығайтып, Павлодар облысының тұрғындарына мамандандырылған медициналық көмек көрсету мүмкіндіктерін кеңейтеді.
Қоғам үшін медициналық ұйымдарды қолдау – денсаулық сақтау инфрақұрылымын жаңғыртуға бағытталған жүйелі жұмыс. Лизингтік бағдарламалар арқылы Қоғам медициналық ұйымдарға қажетті жабдықтарды сатып алуға, қаржылық жүктемені тиімді бөлуге және медициналық көмекті дамытуға арналған ресурстарды бағыттауға көмектеседі.
Әрбір осындай жеткізілім дәрігерлер үшін жаңа мүмкіндіктер ашып, адамдардың денсаулығын сақтауға бағытталған қамқорлықты арттырады.