«ҚазМедТех» АҚ Қазақстан Республикасы Денсаулық сақтау министрлігінің денсаулық сақтау ұйымдарын медициналық бұйымдармен жарақтандырудың ең төмен стандарттарын бекіту туралы бұйрық жобасын әзірлеуге қатысуы

«ҚазМедТех» АҚ Қазақстан Республикасы Денсаулық сақтау министрлігінің «ҚР Денсаулық сақтау министрінің 2020 жылғы 29 қазандағы «Денсаулық сақтау ұйымдарын медициналық бұйымдармен жарақтандырудың ең төмен стандарттарын бекіту туралы» № ҚР ДСМ-167/2020 бұйрығына өзгерістер мен толықтырулар енгізу жөніндегі жобасына қатысты. Бұл жоба еліміздегі медициналық ұйымдарды жабдықтау және сатып алу үдерістерін жетілдіруге бағытталған.
Жоба ҚР Денсаулық сақтау министрлігі құрған жұмыс тобының қатысуымен әзірленді. Жұмыс тобы «ҚазМедТех» АҚ және басқа да ұйымдардың сарапшыларынан құрылды. Жұмыс барысында медициналық техниканы сатып алуды стандарттау бойынша ұсыныстар әзірленді. Бұл ұсыныстар сатып алу үдерістерінің ашықтығы мен тиімділігін арттыруға, сондай-ақ медициналық мекемелердің жабдықталуын жақсартуға мүмкіндік береді.
Өзгерістердің мақсаты – медициналық ұйымдарды жабдықтауды жақсарту, сатып алу рәсімдерін оңтайландыру және бюджет қаражатын үнемдеу. Сонымен қатар, бұл өзгерістер медициналық мекемелерді олардың бейіні мен деңгейіне сәйкес келетін медициналық техникамен қамтамасыз етуді көздейді, бұл өз кезегінде медициналық көмектің сапасын арттыруға мүмкіндік береді. Бұйрық жобасы қоғамдық талқылау үшін қолжетімді. Барлық мүдделі тараптар онымен келесі сілтеме арқылы танысып, өз ұсыныстарын қалдыра алады:
НҚА талқылауға арналған сілтеме https://legalacts.egov.kz/npa/view?id=15503423