Ақтөбе облысында «ҚазМедТех» акционерлік қоғамынан лизинг арқылы медициналық жабдықтарды алу мүмкіндіктері таныстырылды

Ақтөбе облысында «ҚазМедТех» акционерлік қоғамынан лизинг арқылы медициналық жабдықтарды алу мүмкіндіктері таныстырылды
2025 жылғы 28 мамырда Ақтөбе облысында «ҚазМедТех» акционерлік қоғамы өкілдерінің өңірлік медициналық ұйым басшыларымен жұмыс кездесуі өтті. Іс-шара аясында компания Басқарма төрағасының орынбасары Асылхан Абылайханұлы заманауи медициналық жабдықтарды лизинг арқылы алуға арналған бағдарламамен таныстырды.

Іс-шараның негізгі мақсаты – медициналық қоғамдастықты қаржы құралы ретінде лизингті қолдану арқылы жабдықтарды жаңарту мен заманауилау тетіктері туралы ақпараттандыру. Кездесу барысында мемлекеттік және жеке медициналық ұйымдар үшін лизингті пайдаланудың артықшылықтары, ынтымақтастық шарттары және жүзеге асырылған жобалар мысалы таныстырылды.
Аталған кездесуде өңірлік ауруханалар мен емханалар үшін жоғары технологиялық жабдықтардың қолжетімділігін арттыру, сондай-ақ жаңа медициналық технологияларды тәжірибеге енгізу мерзімдерін қысқарту мәселелеріне ерекше көңіл бөлінді.

Кездесу соңында қатысушылар пікір алмасып, ұсынылған ақпараттың өзектілігі мен практикалық маңыздылығын атай отырып, өздерін қызықтырған сұрақтарын қойды. «ҚазМедТех» АҚ өңірдің медициналық ұйымдарымен одан әрі ынтымақтастыққа дайын екендігін білдіріп, Қазақстан халқына медициналық көмек көрсетудің сапасын, қолжетімділігін және жеделдігін арттыру міндеттеріне адалдығын атап өтті.